საუნივერსიტეტო ბიბლიოთეკა

შეფასების კრიტერიუმები

2011-05-24T04:59:00.001-07:00

#	კრიტერიუმის დასახელება	ქულების დიაპაზონი				შეფასება
1	კანონები და აქტები	სუსტი 1	საშუალო 2	კარგი 3	ძალიან კარგი 4
1.1	იურიდიული შესაბამისობა განყოფილების საქმიანობასთან
2	მისია, მიზნები, ამოცანები
2.1	მისია ასახვს განყოფილების არსს
2.2	მიზნები გამომდინარეობს მისიიდან
2.3.	დასახული ამოცანები მიზნის მიღწევის საშუალებას იძლევა
3	განყოფილების სტრუქტურა და ფუნქციები
3.1	სტრუქტურა აღწერს დავალებაში მოცემულ პირობას
3.2	ფუნციები თანამდებობების მიხედვით არის განაწილებული
4.	უფლებები და მოვალეობები
4.1	უფლებები და მოვალეობები ერთმანეთისგან გამიჯნულია
4.2	ხელმძღვანელი თავის უფლება-მოვალეობებში არ აჭარბებს საქართველოს კანონმდებლობით დადგენილ ნორმებს. გამომდინარეობს ფუნქციიდან.
4.3	თანამშრომელთა უფლება-მოვალეობები გამომდინარეობს ფუნქციიდან.
4.4	ხელმძღვანელისა და თანამშრომლების უფლება-მოვალეობები ნათლად და გასაგებად არის ჩამოყალიბებული. მოიცავს კონკრეტულ დებულებებს.
5	გამოყენებული წყაროები
5.1	გამოყენებული წყაროები სანდოა და დაცულია ინფორმაციის გავრცელების საავტორო, ეთიკური და სამართლებრივი ნორმები
	სულ

ბიბლიოთეკარის სტანდარტი

2011-05-24T04:56:00.000-07:00

VIII ნაწილი

VIII. კლასიფიკაცია და კატალოგიზაცია

საბიბლიოთეკო რესურსის კლასიფიკაციასა და კატალოგიზაცია ხელს უწყობს სასწავლო, სამეცნიერო და საგანმანათლებლო საჭიროებებიდან გამომდინარე ფონდების დაკომპლექტების პროცესს, ასევე, მომხმარებლისთვის ადვილად მოსაძიებელსა და ხელმისაწვდომს ხდის მათთვის საინტერესო საინფორმაციო რესურსს.

VIII. 1. კატალოგიზაციისა და კლასიფიკაციის წესები

შედეგი:

უზრუნველყოფს კატალოგიზაციისა და კლასიფიკაციის წესების საბიბლიოთეკო საქმიანობაში დანერგვას.

სტრატეგიები:

● ავითარებს და უზრუნველყოფს კატალოგიზაციის წესებისა და პროცედურების შესრულებას ზუსტად და თანმიმდევრულად; განსაზღვრავს სხვადასხვა მონაცემთა ფორმატს (ბიბლიოგრაფიულს, ავტორიტეტულს და ა.შ.).

● ახდენს კლასიფიკაციის უნიფიცირებას და ფონდების კლასიფიკაციას საერთაშორისო სტანდარტის (დიუის ათწილადი კლასიფიკაციის) შესაბამისად.

● ამუშავებს და უზიარებს კოლეგებს მარკ–21 სტანდარტის ძირითად პრინციპებს, ხელს უწყობს მის პრაქტიკაში დანერგვას.

VIII. 2. კატალოგიზაციისა და კლასიფიკაციის პროცესი

შედეგი:

ახდენს საბიბლიოთეკო რესურსების კატალოგიზაციასა და კლასიფიკაციას

სტრატეგიები:

● ახორციელებს ბიბლიოთეკის მასალების მიღებას დადგენილი ნორმების შესაბამისად.

● განსაზღვრავს კატალოგიზაციის ტიპებს და ასრულებს ბეჭდვითი, აუდიო, ვიზუალური და ელექტრონული რესურსების კატალოგიზაციას.

● ადგენს ფონდების როგორც ბარათულ კატალოგს/კარტოთეკას, ასევე რთავს ბარათებს კატალოგში და ახდენს ელექტრონულ კატალოგიზაციას.

● ახარისხებს წიგნებს, პუბლიკაციებს და სხვა მასალებს, ახდენს მათ კლასიფიკაციას დადგენილი ნორმების თანახმად.

● შეჰყავს ბიბლიოგრაფიული მონაცემები ბიბლიოთეკის ავტომატიზირებულ სისტემაში.

● ახდენს მონაცემთა ჩამოტვირთვას ელექტრონულ კატალოგში.

● ადარებს საბიბლიოთეკო დოკუმენტებს სამუშაო კატალოგთან.

● ამოწმებს ავტორიტეტულ ჩანაწერებს და ახდენს იდენტიფიკაციას ავტორიტეტულ ბიბლიოგრაფიულ აღწერილობის საწყის ფორმასთან

● ქმნის ავტორიტეტული ბიბლიოგრაფიული აღწერილობის სათაურს და ახდენს ტექსტის ინტერპრეტაციას.

● აანალიზებს და ახდენს ჩანაწერთა ინტერპრეტაციას.

● წერს შესრულებული სამუშაოს ყოველკვირეულ და ყოველთვიურ სტატისტიკას.

● ახდენს ელექტრონული კატალოგის შემოწმებასა და რეადაქტირებას.

VIII. 3. საინვენტარო ჟურნალების დიგიტალიზაცია

შედეგი:

ხელს უწყობს საინვენტარო ჟურნალების დიგიტალიზაციას.

სტრატეგიები:

● აკონტროლებს საინვენტარო ჟურნალების ელექტრონიზაციის პროცესს.

● უზრუნველყოფს ახალი საინვენტარო ჟურნალების გადანაწილებას.

● აკეთებს შესრულებული სამუშაოს ყოველკვირეულ და ყოველთვიურ სტატისტიკას.

VIII. 4. რესურსების ინვენტარიზაცია

შედეგი:

ხელს უწყობს ფონდების ინვენტარიზაციას .

სტრატეგიები:

● ახდენს ფონდების პერიოდულ შემოწმებას და ადგენს საბიბლიოთეკო რესურსების ფონდში არსებობას,

● ამოწმებს ფონდში არსებული კოლექციების ფიზიკურ მდგომარეობას, ღირებულებას, დაცვისა და ექსპოლატაციის პირობებს

● კოორდინირება უწევს ფონდების რეინვენტარიზაციის პროცესს

VIII. 5. საბიბლიოთეკო მასალების განლაგება

შედეგი:

განსაზღვრავს დამუშავებული მასალის ადგილმდებარეობას და უზრუნველყოფს ბიბლიოთეკის რესურსების საცავში განლაგებას

სტრატეგიები:

● დახარისხებულ და აღწერილ კოლექციებს ანაწილებს ბიბლიოთეკის დარბაზებს შორის

● განსაზღვრავს დამუშავებული მასალისთვის (წიგნები, პუბლიკაციები და ბიბლიოთეკის სხვა რესურსები) ადგილმდებარეობას და ახდენს მათ განალაგებას თაროებზე, კარტოთეკაში/არქივში და საცავის სხვა შესაბამის ადგილზე.

● განათავსებს დამუშავებეულ მასალას შესაბამისი კლასიფიკაციის მიხედვით

● ახდენს რესურსების ისე განაწილებას, რომ საცავის სივრცე ოპტიმალურად იყოს ათვისებული.

● ადვილად ორიენტირებს ბიბლიოთეკის საცავში და უზრუნველყოფს მკითხველის მიერ შეკვეთილი ლიტერატურისა და სხვა საინფორმაციო რესურსის მოძიებასა და დაბრუნებული მასალის თაროებზე განთავსებას არსებული წესების დაცვით (ფორმულარის ჩადება/ამოღება ინდიკატორში, დავალიანების შემოწმება და ა.შ).

● ამზადებს ძირითად გზამკვლევებს დარბაზებში არსებული კოლექციების შესახებ.

VIII. 6. კოლექციების შენარჩუნების ხელშეწყობა

შედეგი:

ხელს უწყობს არსებული კოლექციების შენარჩუნებას და მოვლას, ასევე მონაწილეობს ფონდიდან მასალის ამოღების პროცესში.

სტრატეგიები:

● აფასებს კოლექციების ფიზიკურ მდგომარეობას, პრობლემების გამოვლენის შემთხვევაში, ბიბლიოთეკის ადმინისტრაციასთან შეთანხმებით ადგენს მათი კონსერვაციის საშუალებებს და გეგმავს შესაბამის აქტივობებს.

● ხელს უწყობს უნიკალური გამოცემების, საარქივო მასალებისა და ხელნაწერების მოვლისა და შენარჩუნებისთვის დაგეგმილი აქტივობების განხორციელებას.

● ხელს უწყობს იმ ქმედებების განხორციელებას, რომლებიც მიმართულია ფონდიდან მასალის ამოღებისა და ეგზემპლარების გადამისამართების პრობლემის გადაჭრისკენ.

საკონკურსო დავალება

2011-05-24T04:53:00.000-07:00

1. წარმოიდგინეთ, რომ თქვენ ხართ კატალოგიზაციისა და კლასიფიკაციის განყოფილების ხელმძღვანელი, სადაც დასაქმებულ პირთა რაოდენობა შეადგენს ხუთს (3 მთავარი სპეციალისტი და 2 სპეციალისტი).

ბიბლიოთეკის ადმინისტრაციამ გთხოვათ განყოფილების დებულების შექმნა.

თქვენ ხელთ არსებული რესურსებია: კომპიუტერი, ინტერნეტი და ბიბლიოთეკარის სტანდარტის ის ნაწილი, რომელიც კატალოგიზაციასა და კლასიფიკაციას ეხება.

2. გთხოვთ, შესრულებული დავალება გადმოაგზავნოთ მისამართზე: library@iliauni.edu.ge

წერილის სათაურში მიუთითეთ - საკონკურსო დავალება - 25.05.2011

კატალოგიზაციისა და კლასიფიკაციის

განყოფილების დებულება

I თავი. ზოგადი დებულება

1.1 (ვინ ვართ? რომელი განყოფილება? რა კანონებსა და აქტებს ეყრდნობა?)

1.2. (მოქმედების არეალი)

II თავი. განყოფილების მისია, მიზნები და ამოცანები

2.1. მისია (რისთვის არსებობს განყოფილება?)

2.2. კონკრეტული მიზნები და ამოცანები

III თავი. განყოფილების სტრუქტურა და ფუნქციები

3.1. სტრუქტურა

3.2. თანამშრომელთა ფუნქციები

IV. თავი. უფლებები და მოვალეობები

4.1. ხელმძღვანელის უფლება-მოვალეობები:

4.2 თანამშრომელთა უფლება-მოვალეობები:

გამოყენებული წყაროები:

(მიუთითეთ, ყველა ის წყარო, რომელიც დებულების შექმნისთვის გამოიყენეთ)

საგამოცდო დავალების შესრულების ინსტრუქცია

2011-02-24T23:40:00.000-08:00

1. საგამოცდო დავალება შეასრულეთ მოცემული თანმიმდევრობით

ნიმუში 1 - ჩანაწერები - 498926 – 498950
ნიმუში 2 - ჩანაწერები - 499152 - 499175
ნიმუში 3 - ჩანაწერები - 476-500
ნიმუში 4 - ჩანაწერები - 496626- 496650
ნიმუში 5 - ჩანაწერები - 976 - 1000

შენიშვნა - შემდეგ ნიმუშზე გადადიხართ მხოლოდ წინა ნიმუშის დასრულების შემდეგ.

2. საგამოცდო დავალება შეასრულეთ წინასწარ მოცემული ფორმაში, რომელიც შეგიძლიათ ჩამოტვირთოთ აქ.
3. საგამოცდო დავალება შესრულებული უნდა იყოს წინასწარ მოცემული ინსტრუქციის მიხედვით, რომელიც შეგიძლიათ ჩამოტვირთოთ აქ.
4. საგამოცდო დავალება შესრულებული უნდა იყოს უნიკოდის გამოყენებით.
5. სამუშაოს ხანგრძლივობა - 2 საათი.

დაწყებიდან არა უგვიანეს 2 საათისა კონკურსანტმა უნდა გამოგზავნოს დოკუმენტის მიბმული ფაილის სახით შემდეგ მისამართზე: library@iliauni.edu.ge .
წერილის სათაურში (subject) მიუთითეთ (ქართული ანბანის გამოყენებით) თქვენი სახელი, გვარი და თარიღი.

საგამოცდო ნაშრომი ფასდება შემდეგი კრიტერიუმებით:
1. ინსტრუქციის დაცვა;
2. შეყვანილი მონაცემების რაოდენობა.

საკონკურსო გამოცდის შედეგები დაიდება ილიას სახელმწიფო უნივერსიტეტის ვებ-გვერდზე, ორშაბათს, 28 თებერვალს, 23:00 საათამდე.

კიდევ ერთი სერვისი

2010-04-02T06:20:00.000-07:00

უნივერისტეტის მიერ გამოწერილ ელექტრონულ ჟურნალებსა და ბაზებზე წვდომა აქამდე შესაძლებელი იყო მხოლოდ უნივერსიტეტის ტერიტორიაზე არსებული კომპიუტერული ქსელიდან.

მომხმარებლებისათვის მეტი კონფორტის შესაქმნელად, გადაწყდა "კამპუს მიღმა" წვდომის უზრუნველყოფა. იგი ილიაუნის კორპორატიული ელფოსტის მფლობელს საშუალებას აძლევს ნებისმიერ ინტერნეტ-წერტილიდან მოახდინოს ელბაზების გამოყენება.

ეს სერვისი ახლა ტესტირების რეჟიმშია.

დამატებითი ინფორმაცია იხ. აქ

Channel - IliaUni Library

2009-12-27T13:15:00.000-08:00

2009-12-22T02:51:00.000-08:00

245

2009-12-17T10:17:00.000-08:00

2009-12-16T22:51:00.000-08:00

სპეციალური კოლექციები - იშვიათი გამოცემები - ხელნაწერები

2009-11-06T07:22:00.000-08:00

დადგა დრო, ჩვენს ფონდებში დაცულ ძველ და საინტერესო წიგნებსაც მივხედოთ :) მიუხედავად იმისა, რომ თანამედროვე ბიბლიოთეკებისთვის ეს მიმართულება აღარ არის პრიორიტეტული. მათ უკვე დაალაგეს, მოუარეს, კარგად შეინახეს და დიგიტალიზაციაც ”ჩაუტარეს” მათ ფონდებში არსებულ ძველისძველ გამოცემებს.

ჩვენც, როგორც კარგი ბიბლიოთეკა :), ვალდებულები ვართ ვიზრუნოთ მათ მოვლასა და დაცვაზე.

ეტაპები:

1. დავდაგინოთ რა გვაქვს სხვადასხვა დარბაზებსა და ბიბლიოთეკებში (ჩვენს თითქმის ყველა დარბაზსა თუ ბიბლიოთეკას აქვს საინტერესო ძველი გამოცემა, მაგალითად, გოგებაშვილის ბიბლიოთეკაში, ზოოლოგიის ინსტიტუტის ბიბლიოთეკაში)

2. მოვახდინოთ პრობლემების იდენტიფიკაცია და კატეგორიზაცია (მაგალითად, საჭიროებს რესტავრაციას, დაავადებულია სოკოთი, ცუდ ადგილას ინახება და ა.შ.)

3. შევისწავლოთ საერთაშორისო გამოცემები და პუბლიკაციები

4. შევიმუშავოთ სტრატეგიული გეგმა -- პოლისები (მაგალითად, პრეზერვაციის პოლისი, მისაწვდომობის პოლისი და ა.შ.), მინი-პროექტები (მაგ. რესტავრაციის პროექტი, სოციალიზაციის პროექტები, და ა.შ.).

5. განვსაზღვროთ ადამიანური და ფინანსური რესურსები.

6. განვსაზღვროთ დროითი ჩარჩოები - როდის რას ვაკეთებთ?

ახალი აუდიო წიგნი

2009-10-29T15:08:00.000-07:00

ჩვენს ბიბლიოთეკას შეემატა კიდევ ერთი აუდიო წიგნი - თომას ჰობსის "ლევიათანი".

წიგნი წარმოადგენს აუდიო-ვერსიას ცნობილი ინგლისელი მოაზროვნის ნაშრომის. ტექსტური ვერსიას შეგიძლიათ გაეცნოთ ჩვენი ელექტრონული ბიბლიოთეკის ვებ-გვერდზე.

ახალი აუდიო წიგნი

2009-10-23T17:31:00.000-07:00

ჩვენს ბიბლიოთეკას შეემატა კიდევ ერთი აუდიო წიგნი - ნიკოლო მაკიაველის "მთავარი"

ახალი აუდიო წიგნი

2009-10-18T21:16:00.000-07:00

ჩვენს ბიბლიოთეკას შეემატა კიდევ ერთი აუდიო წიგნი - პავლე მოციქულის "ეპისტოლე რომაელთა მიმართ".

Google Book Search გრძელდება!

2009-10-09T04:29:00.000-07:00

მიუხედავად იმისა, რომ სასამართლო პროცესები ჯერ არ დამთავრებულა, Google გადაწყვეტილი აქვს გააგრძელოს წამოწყებული ინიციატივა.

დაწვრილებით იხილეთ აქ.

ელექტრონული წიგნისმკითხველი Kindle გაყიდვები დაიწყო საერთაშორისო ბაზარზე

2009-10-07T11:06:00.000-07:00

ელექტრონული წიგნისმკითხველი Kindle გაყიდვები დაიწყო საერთაშორისო ბაზარზე.

დამატებითი ინფორმაცია იხ.აქ.

ილია ჭავჭავაძის სახელმწიფო უნივერსიტეტის ბიბლიოთეკა აცხადებს კონკურსს ამავე უნივერსიტეტის სტუდენტებისთვის ბიბლიოთეკაში დასასაქმებლად

2009-09-09T07:06:00.000-07:00

პროგრამის მიზანია, ერთი მხრივ, გამოიყენოს უნივერსიტეტში არსებული სტუდენტური რესურსი ბიბლიოთეკაში მიმდინარე პროცესების ეფექტური და დაჩქარებული მიმდინარეობისათვის და, მეორე მხრივ, გაზარდოს სტუდენტების აქტიურობა ბიბლიოთეკის მომსახურეობისა და სოციალიზაციის სფეროში.

პროგრამაში მონაწილეობით სტუდენტები უკეთესად გაიცნობენ ბიბლიოთეკის მუშაობის სპეციფიკას და განუმტკიცდებათ განცდა, რომ ეს მათი ბიბლიოთეკაა.

შერჩეული სტუდენტები გაივლიან ტესტირებასა და სპეციალურ ტრენინგს, რის შედეგად მათი საქმიანობა, ფუნქციები და ანაზღაურება განისაზღვრება მოკლევადიანი ხელშეკრულებებით.

დაწვრილებით

აღმოჩნდა უძველესი ბიბლიის ფრაგმენტი

2009-09-02T07:35:00.000-07:00

The Independent ცნობით, ფრაგმენტი აღმოჩნდა ჩაკერებული ერთ-ერთ მოგვიანო ხელნაწერში. სავარაუდოდ ის ეკუთვნინის ე.წ. სინურ კოდექს.

ამის შესახებ ვრცლად იხილეთ:

ინგლისურად

რუსულად

ჩვენი ბიბლიოთეკა Facebook-ზე

2009-09-01T13:51:00.000-07:00

პოპულარულ სოციალურ ქსელ Facebook-ზე შექმნილია ჩვენი ბიბლიოთეკის გვერდი.

ამ გვერდზე ჩვენ ვაქვეყნებთ სხვადასხვა ტიპის სიახლეებს, ასევე გვაქვს სადისკუსიო გვერდი.

დარეგისტირება შეგიძლიათ, როგორც ჩვენი ბლოგიდან, ასევე ბიბლიოთეკის ოფიციალური ვებ-გვერდიდან.

ველით თქვენს კომენტარებს.

World Digital Library Promo Video

2009-08-27T08:48:00.000-07:00

SONY ელექტრონული წიგნი

2009-08-27T08:07:00.000-07:00

http://www.euronews.net/2009/08/26/sony-takes-on-kindle/

ახალი წიგნები

2009-08-20T02:22:00.000-07:00

TUNING პროგრამის ფარგლებში საუნივერსიტეტო ბიბლიოთეკამ მიიღო ახალი წიგნები. თანდართულ დოკუმენტში არის წარმოდგენილი მათი ჩამონათვალი და books.google.com მიხედვით გაკეთებული მოკლე ანოტაციები.

წიგნების სიის ბმული

საუნივერსიტეტო ბიბლიოთეკის სტრატეგია (სამუშაო ვერსია)

2009-08-09T06:22:00.000-07:00

ეს დოკუმენტი წარმოადგენს ჩვენი ბიბლიოთეკის განვითარების სტრატეგიულ ხედვას. გთხოვთ, წარმოადგინოთ თქვენი შენიშვნები და რეკომენდაციები მისამართზე: library@iliauni.edu.ge .

საუნივერსიტეტო ინტერნეტ-კატალოგი

2009-08-04T09:09:00.000-07:00

ივლისის თვეში დასრულდა საბიბლიოთეკო ინტერნეტ-კატალოგის დანერგვის კიდევ ერთი ფაზა.

დღეისათვის შექმნილია საუნოვერსიტეტო ბიბლიოთეკის ამსახველი ინტერნეტ-სტრუქტურა, შეყვანილია სილაბუსებში მითითებული და აქტიურად მოთხოვნადი წიგნების მონაცემები.

ყოველივე ეს საშუალებას იძლევა (უკვე ამ ეტაპზე) მომხმარებელმა ინტერნეტის გამოყენებით მოძებნოს მისთვის საიტერესო, სასწავლო პროცესისათვის აუცილებელი წიგნი. მასზე მიიღოს მოკლე ინფორმაცია, მ.შ. ამ უკანასკნელის ადგილმდებარეობის შესახებ - რომელ ბიბლიოთეკაშია ხელმისაწვდომი.

შემდეგ ეტაპზე იგეგმება მომხმარებელთა ბაზის ფორმირება, რაც შესაძლებელს გახდის მომხმარებელმა არა მარტო მოიძიოს, არამედ დაბრონოს კიდეც სასურველი წიგნი ინტერნეტის მეშვეობით.

საბიბლიოთეკო პოლისები

2009-07-17T03:08:00.000-07:00

1. Library Policies on the Web
2. LIBRARY OPERATING POLICIES
3. University Library Policies
4. Yale University Library Policies
5. Yale University Library Public Workstation Policies
5. American Library Association policies

ISI web of knowledge

2009-06-18T13:32:00.000-07:00

Wo K Overview

View more OpenOffice presentations from DGK.

საუნივერსიტეტო ბიბლიოთეკის ონლაინ-კატალოგი

2009-03-23T05:23:00.000-07:00

მოგეხსენებათ, უნივერსიტეტის ბიბლიოთეკის ავტომატიზაციის ფარგლებში მიმდინარეობს ამერიკული ინტეგრირებული საბიბლიოთეკო სისტემის "evergreen" ტესტირება.
დასრულდა სისტემის გამართვა და ინტერნეტში ინტეგრირების ფაზა. ასევე, წარმატებით მიმდინარეობს სისტემის აშშ კონგრესის ბიბლიოთეკის ბაზებთან ინტეგრაციის მოდულის დანერგვა, რომელიც საშუალებას გვაძლევს მონაცემები გავცვალოთ მსოფლიოში უდიდეს წიგნსაცავთან. სატესტო რეჟიმში გაშვებულია ონლაინ-კატალოგი ( http://opac.iliauni.edu.ge )- იგი მომხმარებელს საშუალებას აძლევს მოიძიოს და დაბრონოს მისთვის საინტერესო საბიბლიოთეკო რესურსი ინტერნეტის მესვეობით ნებისმიერ დროს, ნებისმიერი ინტერნეტ-წერტილიდან.

უკაბელო ინტერნეტი საუნივერსიტეტო ბიბლიოთეკის სამკითხველო დარბაზებში

2009-03-23T04:24:00.000-07:00

საუნივერსიტეტო ბიბლიოთეკის პირველ და მეორე დარბაზებში მკითხველთათვის უზრუნველყოფილია ინტერნეტში თვისუფალი დაშვება უკაბელო ინტერნეტ-ქსელის მეშვეობით.

Evergreen

2009-03-18T08:04:00.000-07:00

Evergreen - Future of the ILS

View more presentations from eby.

წიგნების ძიება ინტერნეტში

2009-03-02T00:44:00.001-08:00

ეს ინტერნეტ-სერვისი წარმოადგენს google კიდევ ერთ გლობალურ ინიციატივას, რომლის მიზანიცაა მკითხველს, ავტორს, გამომცემელსა და ბიბლიოთეკებს გაუადვილოს ცხოვრება. ამ ინიციატივს ქვეშ გაერთიანებულია რამდენიმე ქვე-პროექტი/შეთანხმებები (google -სა და ბიბლიოთეკებს, ავტორებსა და გამომცემლებს შორის)

ამ სერვისის მარტივი საძიებო ინტერფეისის მეშვეობით თქვენ შეგიძლიათ მოიძიოთ ინფორმაცია თქვენთვის საძიებო ავტორის, წიგნინს ან ფრაზის მეშვეობით.

პროგრამის ფარგლებში google თანამშრომლობს წამყვანი გამომცემლობები (მაგ. Blackwell, Cambridge University Press, University of Chicago Press, Houghton Mifflin, Hyperion, McGraw-Hill, Oxford University Press, Pearson, Penguin, Perseus, Princeton University Press, Springer, Taylor & Francis, Thomson Delmar и Warner Books) და უდიდესი აკადმიური ბიბლიოთეკები (მ.შ. ჰარვარდის, მიჩიგანის, სტენფორდის, ოქსფორდის უნივერსიტეტები..), რომლებიც ფლობენ რამდენიმე მილიონიან უმდიდრეს კოლექციებს.

ეს სერვისი საშუალებას იძლევა არა მარტო მოვძებნოთ მოხერხებული საძიებო სისტემის მეშვეობით ჩვენთვის სასურველი წიგნი, არამედ ვნახოთ თუ რომელ ბიბლიოთეკაში ინახება ან სად შეიძლება ვიყიდოთ და რიგ შემთხვევაში გავეცნოთ თავად წიგნის სრულ ან ნაწილობრივ სკანირებულ ელ.ვერსიას.

ელექტრონული საინვენტარო ჟურნალები

2009-02-25T08:09:00.000-08:00

საუნივერსიტეტო ბიბლიოთეკის მოდერნიზაციის ფარგლებში დაიწყო საინვენტარო ჟურნალების დიგიტალიზაციის პროცესი.

ამ საქმიანობის შედეგად მოხდება ბიბლიოთეკის რესურსების სრული ინვენტარიზაცია, რაც საშუალებას მოგვცემს განვახორციელოთ რესურსების ეფექტური მართვა.

ამ საქმიანობაში ჩართულია ბიბლიოთეკის 10-მდე თანამშრომელი, რომლებსაც ორშაბათს, 22 თებერვალს ჩაუტარდათ შესაბამისი ტრენინგი.

Amazon Kindle 2

2009-02-10T18:35:00.000-08:00

Amazon-მა - წიგნების ონლაინ გაყვიდვების მსოფლიო ლიდერმა - 2009 წელი დაიწყო Kindle 2 დემონსტრირებით. ესაა "ელექტრონული ფურცლის" ტექნოლოგიებზე დაფუძნებული ელექტრონული წიგნებისა და ჟურნალების საკითხავი ინსტრუმენტის მეორე ვერსია. პირველ ვერსიასთან შედარებით იგი ბევრად ვიწროა და დამატებითი ფუნქციონალობის გამო უფრო მოხერხებული გახდა.

Kindle 2 ტექნიკური მახასიათებლები:

6-დუიმიანი დისპლეი (E-Ink, 600 x 800 პიქსელი);
გაბარიტები — 203 х 134 х 9 მმ;
წონა — 289 გრამი;
2 GB ჩაშენებული მეხსიერება;
ავტონომიური მუშაობის დრო — 4 დღემდე;
USB 2.0;
EVDO-მოდემი;
3,5-მმ ყურსასმენებისათვის;
AZW, TXT, MP3, MOBI, PRC; PDF, HTML, DOC, JPEG, GIF, PNG, BMP ფორმატების მხარდაჭერა.

საერთაშორისო სამეცნიერო ჟურნალების ელექტრონული ბაზები

2009-02-03T01:27:00.001-08:00

უნივერსიტეტის მიერ 2007 წლიდან ხდება საერთაშორისო ჟურნალების ელექტრონული ბაზების გამოწერა, რაც უნივერსიტეტის აკადემიურ პესრონალსა და სტუდენტობას საშუალებას აძლევს გაეცნოს სიახლეებს და აქტუალურ კვლევებს მეცნიერების სხვადასხვა დარგში.

ბაზების გამოყენებასთან დაკავშირებულ პრობლემების შემთხვევაში მოგვწერეთ შემდეგ მისამართზე: iliauni.library@gmail.com

1. EBSCOHost (EBSCO, ბოსტონი, აშშ) – Http://search.epnet.com/
წარმოადგენს ჟურნალებისა და საცნობო გამოცემების უდიდეს კოლექციას.
მოიცავს:
7000–ზე მეტ დასახელებას (სტატიების 70% სრული ტექსტითაა)
მეცნიერებისა და ბიზნესის პრაქტიკულად ყველა სფეროს
ამერიკისა და რუსეთის უმნიშვნელოვანესი გაზეთების სრულ სტატიებს
ძალზე მოხერხებულ და ეფექტურის საძიებელს.

იხ. საიტის მომხმარებლის სახელმძღვანელო:
http://www.gela.org.ge/eifl/scitech/Ebsco-guide-geo.pdf

2. კემბრიჯის უნივერსიტეტის ჟურნალები - http://journals.cambridge.org/
მონაცემთა ბაზე მოიცავს კემბრიჯის უნივერსიტეტის გამოცემულ 190 ჟურნალს
შემდეგ დარგებში: ამერიკანისტიკა, არქეოლოგია და ანთროპოლოგია, აფრიკის,
აზიისა და ევროპის შესწავლა, ბიზნესი, ბიოლოგია, საინჟინრო მეცნიერებები,
ხელოვნებათმცოდნეობა, ისტორია, კომპიუტერული მეცნიერება, მათემატიკა,
მეცნიერება მიწის შესახებ, ეკოლოგია, კანონმდებლობა, თეოლოგია, სოფლის
მეურნეობა, სოციოლოგია, ფილოსოფია, ეკონომიკა, ენათმცოდნეობა და
ფილოლოგია.

3. ოქსფორდის უნივერსიტეტის ჟურნალები - http://www.oxfordjournals.org/

მოიცავს ოქსფორდის უნივერსიტეტის გამომცემლობის (აკადემიური და კვლევითი
ჟურნალების ერთ–ერთი უდიდესი გამომცემლობის) და სხვა პრესტიჟული
სამეცნიერო ორგანიზაციების ჟურნალებს. ბაზა ფართო სპექტრისაა და მოიცავს
ბუნების შემსწავლელი მეცნიერებების, ფიზიკა–მათემატიკის, მედიცინის,
საზოგადოებრივი მეცნიერებების, ჰუმანიტარული დარგების, იურიდიული სფეროს
ყველაზე ცნობილ და ავტორიტეტულ ჟურნალებს.
საიტზე (http://www.oxfordjournals.org/ ) შესაძლებელია როგორც „გამჭოლი
ძიების ჩატარება, ასევე ჟურნალების მოძებნა სახელწოდების ან თემის
მიხედვით და მათი „გადაფურცლვა".

4. ოქსფორდის უნივერსიტეტის საცნობო გამოცემები - http://www.oxfordreference.com/
Oxford Reference Online წარმოადგენს ლინგვისტური და დარგობლივი
საცნობარო გამოცემების მსოფლიოში უდიდეს კოლექციას. მოიცავს ოქსფორდის
უნივერსიტეტის გამომცემლობის 130–ზე მეტ ლექსიკონს, ლინგვისტურ და
დარგობლივ (საზოგადოებრივი და ჰუმანიტარული მეცნიერებები, მედიცინა,
ბიზნესი, კომპიუტერები და სხვა) ცნობარს, რომელიც ერთიანი (გამჭოლი)
ძიების საშუალებას იძლევა მთელ მონაცემთა ბაზაში და აგრეთვე ამყარებს
კავშირებს სხვადასხვა საცნობარო გამოცემის სტატიებს შორის. ყოველივე ამის
გათვალისწინებით იგი წარმოადგენს უნიკალური საშუალებების საინფორმაციო
რესურსს.

5. ამერიკის ფიზიკის საზოგადოების ჟურნალები (APS) - http://publish.aps.org/

მოიცავს ცნობილ (წამყვან) ჟურნალებს ფიზიკის დარგში (Phys. Rev). გარდა 8
ორიგინალური (ბეჭდური) ჟურნალისა მოიცავს აგრეთვე 5 "ვირტუალურ" ჟურნალს
(რომლებიც მხოლოდ ელექტრონული სახით გამოიცემა).
ყველა ჟურნალი უმაღლესი იმპაქტ–ფაქტორის მატარებელია ისეთ სისტემებში
როგორიცაა ISI, Current Contents, ULRICH და სხვა (საშუალო იმპ.–ფაქტორია
4.785).
საძიებლების სიღრმეა:
Physical Review Series - 1893
Physical Review Letters - 1958
Reviews of Modern Physics - 1929
Physical Review Special Topics - 1998

პაკეტში შემავალი ელექტრონული ჟურნალი PROLA იძლევა " CrossRef"
პროგრამაში შემავალი სხვა გამოცემების ციტირების და დაკავშირების
საშუალება.
ჟურნალების „გადაფურცვლა" შესაძლებელია მისამართზე http://publish.aps.org/ ,
„გამჭოლი ძიება" ყველა ჟურნალში – http://prola.aps.org/search

6. www.jstor.org

ბიბლიოთეკის ავტომატიზაცია

2009-01-30T03:28:00.000-08:00

საბიბლიოთეკო სერვისების გაუმჯობესების მიზნით ბიბლიოთეკაში იგეგმება თანამედროვე საბიბლიოთეკო სისტემების დანერგვა.

ამ მიზნით ხდება საერთაშორისო სტანდარტებზე დაფუძნებული პროგრამული უზრველყოფების შერჩევა და ტესტირება.

ტესტირების შედეგად (მარტი 2009) დაიწყება პროგრამის ელექტონული კატალოგიზაციის მოდულის პილოტირება.

პროექტის დასრულებისათვის ბიბლიოთეკის მომხმარებელს საშუალება ექნება ინტერნეტის მეშვეობით უმოკლეს დროში მოიძიოს, გამოიწეროს და მიიღოს მისთვის საჭირო სასწავლო რესურსი, როგორც საუნივერსიტეტო ასევე პარტნიორი ორგანიზაციების ფონდებიდან.

ილია ჭავჭავაძის უნივერსიტეტის ბიბლიოთეკის მიმართვა

2009-01-29T08:12:00.000-08:00

ილია ჭავჭავაძის უნივერსიტეტის ბიბლიოთეკაში მიმდინარეობს ახალი, ელექტრონული და მომხმარებელზე ორიენტირებული სერვისების დანერგვა, რაც გაადვილებს ჩვენს კოლექციებში დაცული მასალის ფართო ხელმისაწვდომობას თითოეული მომხმარებლისათვის.

ბიბლიოთეკა წარმოადგენს ერთიანი საუნივერსიტეტო სივრცის ნაწილს და მისი წარმატებული განვითარებისთვის მნიშვნელოვნად მიგვაჩნია საუნივერსიტეტო საზოგადოების თითოეული წევრის ჩართულობა.

ამ მიზნით იფუნქციონირებს საუნივერსიტეტო ბიბლიოთეკის ვებ-გვერდი და ელექტრონული ჟურნალი - ბლოგი, რომელთა მეშვეობითაც ჩვენ მოვახდენთ თქვენს ინფორმირებას და გვექნება თქვენგან უკუშავშირი.

საუნივერსიტეტო ბიბლიოთეკის დირექტორი
ნათია გაბრიჩიძე